Перейти к основному содержанию
Ақылы тариф кабинетте бірнеше минутта рәсімделеді: тарифті таңдайсыз, кім төлейтінін көрсетесіз, банк бетінде картаны байлайсыз және төлемді растайсыз. Банк төлемді растаған бойда тариф күшіне енеді. Тарифті ұйымның иесі мен әкімшісі рәсімдей алады, қалғандарына рәсімдеу батырмалары қолжетімсіз. Банк картасы керек болады, басқа төлем тәсілі жоқ. Төлеушінің БСН немесе ЖСН нөмірі де керек — 12 сан. ЖШС мен ЖК үшін атауы да қажет. Бұл бет — бір адамға арналған тариф туралы. Команда басқаша, орындарды төлеу арқылы рәсімделеді: Команда құру.

​
Тарифті рәсімдеу

1

«Тарифтер» экранын ашыңыз

Баптаулар → Тариф және төлем бөліміне өтіп, Тарифті ауыстыру батырмасын басыңыз. Сол экранды чаттағы Лимиттерді арттыру батырмасы да ашады.
2

Тарифті таңдаңыз

Қажетті тарифтің тақтайшасында оның атауы жазылған таңдау батырмасын басыңыз. «Жаңа тарифке көшу» беті ашылады. Ойыңыздан қайтсаңыз, тарифті тікелей сол бетте, «Тариф» блогында өзгертуге болады.
3

Төлеушіні көрсетіңіз

«Төлеуші» блогында ЖШС, ЖК немесе жеке тұлғаны таңдап, БСН немесе ЖСН енгізіңіз. ЖШС мен ЖК үшін «Ұйым атауы» өрісін толтырыңыз, егер ол деректемелерде әлі жоқ болса. Шот төлеушіге жазылады.
4

Картаны байлаңыз

«Төлем тәсілі» блогында Жаңа төлем тәсілі батырмасын басыңыз. Halyk Bank беті ашылады: карта нөмірін сол жерде енгізесіз. Банк картаны ақша алмай тексеріп, сізді кабинетке қайтарады.Карта байланып қойған болса, ол осы блокта «Негізгі» деген белгімен көрсетілген.
5

Тапсырысты тексеріңіз

Оң жақта, «Тапсырыс туралы мәлімет» блогында тариф пен «Бүгін төлеуге» жолы көрсетілген. Төменде «… автоматты түрде ұзартылады» деп жазылған және келесі ақша алынатын күн тұр.
6

Төлеңіз

«Төлем және автоұзарту шарттарымен келісемін» белгісін қойып, Төлеу батырмасын басыңыз. Сома батырмада жазылған.
7

Банк сұраса, төлемді растаңыз

«Банктің растауын күтудеміз» деген жазу шығады. Банк СМС кодын сұраса, оны банк формасына енгізіңіз. Бетті жаппай-ақ қоюға болады: кабинет нәтижені өзі көрсетеді.
Төлем өткенде «Төленді» белгісі бар «Тариф рәсімделді» экраны ашылады. Онда бүгін қанша алынғаны, келесі ақша алынатын күн мен сома, карта және шот нөмірі көрінеді. Чатқа оралу батырмасын басыңыз — жаңа тарифтің лимиттері әрекет етіп тұр. Ұйымның иесі мен әкімшілеріне тариф қосылғаны туралы хат келеді. PDF түріндегі шот тариф және төлем баптауларында, «Шоттар» тобында сақталады: Төлем шотын алу бетін қараңыз. Банк төлемді қабылдамаса, ақша алынбаған. Қайталау батырмасын басыңыз немесе басқа картаны байлаңыз. «Төлеу» батырмасы белсенді болмаса, карта байланғанын және келісім белгісі қойылғанын тексеріңіз. Орысша «Сначала заполните реквизиты плательщика» деген хабар алдымен төлеушінің деректемелерін толтыру керегін білдіреді: «Төлеуші» блогын толтырып, «Төлеу» батырмасын тағы бір рет басыңыз.

​
Автоұзарту қалай жұмыс істейді

Тариф айына бір рет төленеді, төлем кезеңі — күнтізбелік ай. Сондықтан алғашқы төлем тек ағымдағы айдың соңына дейін қалған күндер үшін алынады, ал әрі қарай тариф толық ай үшін төленеді. Алғашқы төлемнің сомасын төлемге дейін көресіз: бұл «Тапсырыс туралы мәлімет» блогындағы «Бүгін төлеуге» жолы. Ұзарту күні сома негізгі картадан автоматты түрде алынады, ештеңе басудың қажеті жоқ. Келесі ақша алынатын күнді Баптаулар → Тариф және төлем бөлімінен қараңыз: ол тариф атауының астындағы жолда және «Шоттар» тобындағы «Келесі есептен шығару» жолында бар. Ұзарту болмауы үшін жазылымнан бас тартыңыз. Тариф төленген кезеңнің соңына дейін жұмыс істейді. Ақша алу өтпесе, Tungo хат жіберіп, әрекетті қайталайды.

​
Әрі қарай